Home » Berdintasuna

M29an Amantalak kalera!!!!

Submitted by on 28/03/2012 – No Comment

Sistema erreformari BAI: Amantalak kalera!

Martxoaren 29an, etxe hau greban!

Pobreziaren feminizazioa errealitate bat da. Murrizketa eta erreformetan ikusi dezagkegun moduan, gure lan eta eskubide sozialen gaineko erasoek ez dute egoera muturrera eraman eta errealitatea prekarizatu, okertu besterik egiten. Ez zaigu kontuan hartzen irtenbide errealak planteatzeko garaian, baina aldiz, ofentsiba kapitalista patriarkaletik eratortzen diren ondorioak zuzen-zuzenean ordaintzen ditugu.

Emakume guztiak, martxoaren 29ko greba deialdiarekin bat egiten dugu, soldatapekoak izan edo ez, kalera aterako gara, aldarrikatzera:

  • Etxeko leta zaintza lanak, errekonozimendurik gabeak eta eskubideetan eta garantietan hanka motz direnak, lanak direla, lana dela.
  • Egungo sistema ekonomiko eta sozial hau emakumeok egiten dugun lan ikusezinari esker mantentzen dela.
  • Nahiz eta urteetan zehar emakumeok egin ditugun eta egun ere egiten ditugun lan hauek estatistiketan eta medio ofizialetan ez atera, ongizatea eta aberastasuna ahalbidetu eta sortzen dutela.
  • Bizitza eta pertsonak egon behar dutela sistemaren erdigunean, eta ez egun dauden moduan merkatuak.
  • Bada garaia, etxean, eremu pribatuan ere greba egitekoa!!

Horregatik guztiagatik, Euskal Herriko Emakumeen Mundu Martxatik dei egiten diogu jendarteari oro har, eta emakumeei bereziki, martxoaren 29an grega egitea gainerako langile klasearekin batera. Eta animatzen zaituztegu, etxeko balkoietan eta leihoetan amantalak, mantalak eskegitzera; etxe hau greban dagoenaren adierazle gisa! Ez garbiketarik, ez erosketarik, ez otordurik…
M-29an ETXE HAU GREBAN!